... ارسل الى صديق  ... نسخة للطباعه ...اضف الى المفضله

 

  أدب شعبي

   
تدري إنتَ

وفاء عبدالرزاق

تاريخ النشر       30/11/2007 06:00 AM


أدري إنتَ
بحسرة الأنفاس تـِدّفــّه
غموس شـِفــّة
ﭽــِفـَت صحن الليل
واندارتْ صهيل
رجـَف طرف الصحن
والتاف يشهـﮚ
رجفة مـْرادمـَة الرجفة
وبالمرادَم صحا ﮜـلب الباب
من نومة زَعــِلته
ونـِتـَل روح الجفـِنْ صِدفة
وانتفـَض متلول ينضح
ليلو أسوَد
متلول عرﮜـان وتهفـّه
مهفـّة المتلول سعفة
خيط حالم والصحو ﮜطـّع ابـّته
وﮜـال إنتَ
إنت بالحسرات تـِدفه
وتلم بيهن وَيهليــّة
وﭽيس حنـّت الخضـّات ﭽـَفـّه
وتجي روحي
معانده الـﭽيس وحسرته
وتطش لهفة
ولهفة لهفة
اندارت انفاسي على راسكْ
دم حـِرز معجون بالله
اسم الله يل بالحسرة تـِدفه
بغـﮜـن بشـَعرك ليالي
وتدري بيــّة مسودنات جروح
وافعالـَك غميجة
من تفيض بغيـﮚ يصفن
ضفـّة مخامـْشـَة الضفـّة
وﮜـابلـَنـّك
صوت حزنان وتخـَوَرس
ﭽــِفــّة او هادمة بـﭽـفـّة
ونـْهـضــِت منهن سوالف
والعمر ناطور أعمى
شـَد أمـِس واليوم وابـّاﭽر لحمني
ومن تــِعوﭽـه عـْلى اللضم
معـَط جفن العين بالدمعة لضمني
وﮜــام يــِبـْرِد
صار فنـّان وْيـَة سُولة
وسُولة الفنان نحته
وﭽـلــّبت بذيال عـُمـْري
ياعمر دادة عـْلى بختك
كوز مشروخ بعطشته
وهـَدني بـَختـَه
وبيك إنتَ
رفـِت ثوب الجرح وانسدّيـَتْ
زنجيل على جرحي
ياللي بالأنفاس تـِدفه
حيل كلفة
بس عـِذر فانوس تبـﮜـى
وﭽذبة مرافـﮜـة الوسفة
وهَم أﮜـلـّك
بيك رفت الجرح وانسدّيت
زنجيل عـْلى جرحي
وفاضن عيون عـْلى زيجي
عين تشخب
عين تنسد
عين صلفة
وعين حدر هلال باتت
ترجى عيدكْ
دَوّخـَت ضـَي بنجمته
وسال لصفة
وعيـّدتني بصـًم ملح
وتــْﮜول فرحي
صمّ ﭽذب مملوح
واتلاوى وْيـَة مـِلحي
ومن ألوبن بيك
لوبـَة الـﮜـِنطار
والشـَمّات برحي
ودبـِس نــَزفه
وهَم أﮜـلـّك هاك إدفه
وشِد حـَبـِل والعب بكيفك
وآنة الـﮔــّف بيك
مثل ام التحبــّك
عوَيـَن جاهل
واللعب مغتاض
خايب اﮜـمز هان وادفه
إنت تـﮜمز فرح دافي
وطير غافي عـْلى الرفيق
ولولكه محصــّـَن برفـــّة
إنتَ تغضَب
وآنه اراضيك برفيفي
وهـَم أدوف الونــّة
والشوغات
وافتل حبل صبحي
خاف خاطر مـَرْ عليك وردت تـِجفه
وهَم بعدني ارجاك تدفه
إدفه إدفه
وسِفّ حصيرك
وسَفّ حصير الجرح
للمجروح سَفـّة
وبيها تدفة .


رجوع


100% 75% 50% 25% 0%


مقالات اخرى لــ  وفاء عبدالرزاق


 
 

ابحث في الموقع

Search Help

بحث عن الكتاب


انضموا الى قائمتنا البريدية

الاسم:

البريد الالكتروني:

 


دليل الفنانيين التشكيليين

Powered by IraqiArt.com 


 

 

 
 
 

Copyright © 2007 IraqWriters.com All Rights Reserved.

 

 

Developed by
Ali Zayni