كالو استرالي وما تفوزون حولنا اللعب جبهة بطــولات

عراقيين تدري الغيرة بالراس مو أهداف جابوا ( راشديــات)

ما نقلت لعب شاشة التلفاز ثق كلوبنه تحولت شاشــات

لان شفنه لعبكم موبالعيون شفنه اللعب بالدم والكريــات

الكل صاح انعم الله على اللواعيب جي بدلوا بالفرحة المعانـات

اخذ هيجي زلم صعدت بالأقدام بس النسّتك كل الجراحــات

حكومتنه شغلها تنغص الأفراح فدوة تروح للطوبة الحكومات

ورصاصات الي جانت ترعب الناس هلاهل حولواصوت الرصاصات

بعد ما انتخبهم كل الاحـزاب وارشح المنتخب بالانتخابـات

اسمه المنتخب وبغير تصويت ويقدملي بشرف احلى العطاءات

والمفروض كل مجلس النواب ويـه المنتخب ينطونه دورات

وحدة صف يعلمونه اللواعيب وسر فـن التعاون والمهارات

حرامات الي يذبحك قائد يصير ويقود اليفرحـــونك حرامات

شاعر فجروا بيه اللواعيـب شعري وصفكت حتى المنصات

احسّـن ما كتبت ابيات الاشعار دوّر بالشعر تلكاهه هوسات

قلعة سكر