إنته ذوقك ماخذه من النبلاء
فارع الطول وسمارك بابلي

وإنته ربك خالقك للشعراء
حته كل شاعر يوصفك يبتلي

آنه أعتبرك هبة من السماء
والحمد لله على هذي الهبة

سوالفك تطربني يل صوتك غناء
عزف موسيقى بحلك بلبل ربه

ابموهبه وحدة اكو يملي الفضاء
وانته كلك على بعضك موهبة

على خدودك نايمة أطفال ابرياء
ودي ابوس خدودهم كل ساعة

بس تعال اتحدة بيك الكبرياء
وماكو داعي تغني بسماعة

تظهر انته على الحضور بكل بهاء
وبس جمالك وحدة يلغي القاعة