... ارسل الى صديق  ... نسخة للطباعه ...اضف الى المفضله

 

  أدب شعبي

   
ابوذيات و مساجلات جعفر الحمداني

سليم الحمداني

تاريخ النشر       06/09/2007 06:00 AM


وحك كل حرف بالقرأن منزل

ثبت حبك بلب حشاي منزل

بموك العين الك لو جيت منزل

رغما عالحسود الشمت بيه

 

كاظم النداف

يهل تقسم عظيم القسم قسماك

خايف بالصدود تنول قسماك

الواشي من يريد شضاض قسماك

يبعدك عن هواك بلا تقية

 

جعفر

ابد ماواشي يبعدني ولانام

ولا جفني طبك عكبك ولانام

حجي العذال ماهمني ولانام(نم)

بكلبي ولاالزمان اثر عليه

 

كاظم

الزمان اثر على كل حيد وشره

وللواشي الفتن والبيع وشره

احذر طارقات الزمن وشره

اذا عاداك حربه دوم هيه

 

جعفر

بحيل الله زماني وياي ماله

حيله ولايغرني بكثر ماله

تكلي احذر طواري الزمن ماله

يعله وياك معلن بالرديه

وبهذا البيت انتهى السجال بينهما بزعل المرحوم كاظم النداف

 

وهذه مساجله اخرى بين المرحوم جعفر الحمداني والمرحوم جاسم السميحي وكانت

انه وبينما جعفر الحمداني جالس في احدى مقاهي سوق الشيوخ واذا بشاب جميل وغريب عن المدينه

يجلس بجانبه ويتجاذبان اطراف الحديث فيدخل عليهم المرحوم جاسم السميحي ويجلس على القنفه المقابله لهما ويقول.........

 

جاسم السميحي

حلو من الريم إله عينين سوداي

ياناهي مننزلت(من انزلت)بالكلب سوداي

هذا الشطر غير متاكد منه يجعفر من لهيب اعضاي سوداي

نسيت الرباط والعذر مسموح اليه

 

 

جعفر

حلو من الريم اله عينين وسعه

جفه وكلب اليحبه يضيج وسعه

يجاسم كوم الله يكول وسعه

وتنول الي تكصده اعله الوطيه

 

جاسم

شسعي شدرك المكْصد شنوله

صعب واللبن عدواني شنوله(شنو)

سألتك عن سهم لحظه شنوله

علاج بكلبي شك وعمل بيه

 

جعفر

جبدتك عاد الك ياخي مردهه

وليالي المضت لاترجه مردهه

حباب الشظو إلغيرك مردهه(مااريدهم)

نسيته والعذر مسموح اليه

وهنا انتهت المساجله بتعليق من المرحوم جاسم الى المرحوم جعفر يقول فيه من اين تاتي بهذه الكلمات الخشنه القويه

 

في عتاب حمد الزركان الى المرحوم جعفر الحمداني بانه لايسال عنه ولا يراسله عندما كان يوًدي الخدمة العسكرية كتب اليه هذا

 

وحك رمضان وأشرافه وكتبه

عليك يهل دمع عيني وكتبه

انه شماريد أهم خطك واكتبه

شدهني جفاك من غصبن عليه

 

وللمرحوم جعفر الحمداني الكثير من المساجلات الشعريه كان يدونها المرحوم حمدي الحمدي ويحتفظ بها وذكر لي والدي ايضا ان احد المدونات بخط المرحوم حمدي موجود عند حمد الزركان. ومن هوسات المرحوم جعفر الحمداني في احدى زياراته الى الامام الحسين(ع) وهو كان يقود موكب شباب العمال الحسيني يقول...........

 

تودعك كل شباب السوك ياشبل الوصي الكرار

تترجه الشـفاعه بيـوم بالمحشــر تشــب النار

دخلك ياذبيح الطف ياإبن النبي المختار

شيعه وكلها تباريها بيوم المحشر


رجوع


100% 75% 50% 25% 0%


مقالات اخرى لــ  سليم الحمداني


 
 

ابحث في الموقع

Search Help

بحث عن الكتاب


انضموا الى قائمتنا البريدية

الاسم:

البريد الالكتروني:

 


دليل الفنانيين التشكيليين

Powered by IraqiArt.com 


 

 

 
 
 

Copyright © 2007 IraqWriters.com All Rights Reserved.

 

 

Developed by
Ali Zayni