... ارسل الى صديق  ... نسخة للطباعه ...اضف الى المفضله

 

  أدب شعبي

   
عراق جديد

عادل الربيعي

تاريخ النشر       10/09/2007 06:00 AM


يوج وينطفي كليبي حنين*وناره تصعد فوكك

وبفراكك العراق دموعي سالت دم**

وكلبي من البعد محروك

وكل لحظه التمر بيه بعيد علل الوطن

يزداد بيه الشوك

وكل ليله اصبر رويحتي بملكاك**اهيم

بعيد بس وياك

احني جفوفي بالدمعات

وانت التاخذ جروحي بعيد هناك

وانه وياك نسامر**وعلى دجله نطش ورود

يا عراق المحبه بزودك نزود

وهذا الي يمر بينه ويمر بيك**وكفه من الاشراف

يصير اله حدود**

وهذول الراهنوا باعوك** ما غزر نهر دجله

ولا ماي الفرات البيهم يفيد

وما ضن الرضع من ديس امه يخون**

حبك يا عراق وعنك يحيد

تعالوا نخلي ايد بايد**ونزرع بالوطن

فرحه وبشاير عيد

ونخل جنوبنه يشبكك شمال الخير**ويبوس

الوسط**ونبني عراق جديد

وايد باْيد**نحمي عراقنه بحبنه وتعاضدنه*

وشوكه انصير*بعيون العدو واليكره التجديد

وننبذ كل غبي وجاهل وينوي الشر**

ويعبث بالعراق يريد

وننذر كل عمرنه فداك**يا عراق

الوفه وما يهمنه كل تهديد

وابد ما نحيد**ابد ما نحيد عن حب الوطن والكاع

بارض الرافدين نخلقت الاديان والتمجيد


رجوع


100% 75% 50% 25% 0%


مقالات اخرى لــ  عادل الربيعي


 
 

ابحث في الموقع

Search Help

بحث عن الكتاب


انضموا الى قائمتنا البريدية

الاسم:

البريد الالكتروني:

 


دليل الفنانيين التشكيليين

Powered by IraqiArt.com 


 

 

 
 
 

Copyright © 2007 IraqWriters.com All Rights Reserved.

 

 

Developed by
Ali Zayni