زاعتنه الشواطي وذبح روحه الطين

مو شرعي العشك والگاع بي حبله
والماي الصفه من الروج حدره الخوف

من العار مات وبلعته الدهله
شما مر النسيم اتجره صفنة موت

شرب دخان دمنه وخنگته الذله
خبط كلشي وتنجس واليكر الماي

دم خنزير والمذبوح شيغسله

..............................
كف ثوبه النجس واتيمم من الريح

وطبع الريح كل مذبوح تندله
طبعها شما تضمها ايبين المظموم

من يعرك جلدها اتبين الخله
شال الحيف روحه وركظ بيها العار

وكرهتنه الليالي وركصت ام كذله
تغازلنه السيوف ونضحكلهه اركاب

ويذل روحه الجرح لمن تغازله
الضحج بعيونّه امكمط نلاعب بيه

طفل وابليس هز راسك يغازله
غريبه اطوارهم وكل طور الف من طور

اذا واحد ثبت رجليه تزاغلله
تبچي بكل عرس وتهلهل بعاشور

والطاح اعله حظن احسين تكفله
حكهه الكاع من تطلك تصيح الغوث

سجاجين ابطنهه وكل نصل طفله
ولو يسر حملها وصدك راح تجيب

ميت يوكع وبالعار تغسله
من يابشر ذوله ومايهزهه الموت

وحته الموت صرنه اليوم نكفله
اثنعش كوكب ضوانه وماتعرف انشوف

چا بالظلمه هسه تريد تندله ؟