... ارسل الى صديق  ... نسخة للطباعه ...اضف الى المفضله

 

  أدب شعبي

   
شمعه وامل

عادل الربيعي

تاريخ النشر       21/09/2007 06:00 AM


مو غريبه الناس تفرح بعد كل ذاك الظلام

ولا غريبه عراقنه يطش المحبه***

ويعم عل الناس السلام

كافي من عهد الطغاة***بكل مكان كبور صارت

والارض شربوها دم

وذبحوا الضحكه على شفاف الطفوله***

ومنعوا الناس بغصب ما تبتسم

وظل شعبنه يكابر من الضيم***وبحسره وهضم

مره زرقاوي واسامه**ومره واعظ يحجي ايات وحكم

بس حقيقة هالبشر حقد وكره***

ابد ما عدهم ضمير وعاشوا بدنيه الوهم

وتدري بالتاريخ مليان بمصايب***كلهه احزان واْلم

بكل وكت عدنه خوارج**بكصته مرسومه العباده

وفكره مثل العكرب الينكط السم

كافي يا شعب العراق****

هبوا يا شعب النشامه وزرعوا ورده

ولا تخلون الغريب**يعبث ويزرع فتن

صيروا نارعل اليفجرون بوطنه

صيروا نار عل اليذبحون باهلنه

وابد لا ترضون ظالم يحكم بهذا الزمن

كافي ضوكونه العذاب**

وعيشوا الناس بمصايب بس محن

وهاي فرصه لكل شريف وعنده غيره

وكل محب لارض الوطن

واليحب ارض العراق**بكل وكت يعتلك شمعه

يضوي اركان الوطن**يضوي اركان الوطن


رجوع


100% 75% 50% 25% 0%


مقالات اخرى لــ  عادل الربيعي


 
 

ابحث في الموقع

Search Help

بحث عن الكتاب


انضموا الى قائمتنا البريدية

الاسم:

البريد الالكتروني:

 


دليل الفنانيين التشكيليين

Powered by IraqiArt.com 


 

 

 
 
 

Copyright © 2007 IraqWriters.com All Rights Reserved.

 

 

Developed by
Ali Zayni