... ارسل الى صديق  ... نسخة للطباعه ...اضف الى المفضله

 

  أدب شعبي

   
هكذا قال الاب العراق ...

مهند حيال

تاريخ النشر       03/11/2007 06:00 AM


ربيتج ورد كل لحضه تحلـــــين

أسم الله عله گلـــــبج لا تخافیــــــن

بغداد وعليمن لابسه الضيم

العراق انه العظيم وانتي تدريــــــن

أسد عين الشمس لو جاسج الخوف

وتصير سيوف دمعات المساكيــــن

لبست المجد لجدامچ حجول

وصغت الشدايد كحـــــلت العيــــــن

غطيت الجرح بهدوم الزغار

ولزگهن جثثهم عل الحياطيـــــــــن

ماريد الزعل يم عينچ يبات

وبحظان القصف ليليــــــه تغفيــــن

وما ريدن عله الذل اهلج تبات

وتصير سيوف لحلـــوگ السچاچین

وکافی من الکرم مایشبع الموت

یرید سبــــاع منچ وانتي تنطيـــــن

خضر ورد دمنه بگاع الاحلام

وقطفتنه المشانــــق والزنازيـــــــن

گبر احلامنه وموته الیداعون

وعد راسه سور تقـــــــره الشياطين

سعفه افراحنه وهذا الحزن ريح

وخمر دمنه وسكر ليـــــــل السلاطين

الحريه غيمه وتمطر رمااد

وصوت الشعب شتله معاشره الطين

الصبر يم الثكاله عله الملمات

الصبر مل واعرفـــــچ ما تملیـــــــن

مدام بوسط گاعچ كاظم الغيض

انسي الخوف كــلـــه ولاتخـــــــافين

وايسي من العروبه رعب وارهاب

ضلت عل العرب ضاعــــت فلسطين

يا بغداااااد اهلنه الكرم والطيب

اهل الشرف والعز والدواويــــــــن

ماقصرنه لحظه وضيفنه الموت

جرحنه الدلــــــــــه والدم الفناجين


رجوع


100% 75% 50% 25% 0%


مقالات اخرى لــ  مهند حيال


 
 

ابحث في الموقع

Search Help

بحث عن الكتاب


انضموا الى قائمتنا البريدية

الاسم:

البريد الالكتروني:

 


دليل الفنانيين التشكيليين

Powered by IraqiArt.com 


 

 

 
 
 

Copyright © 2007 IraqWriters.com All Rights Reserved.

 

 

Developed by
Ali Zayni