... ارسل الى صديق  ... نسخة للطباعه ...اضف الى المفضله

 

  أدب شعبي

   
من تراب مثلي

صباح الهلالي

تاريخ النشر       21/09/2007 06:00 AM


من تراب مثلي نعم
بس للجمال اسباب
رب الجمال اعتقد
سواك في محراب
بباب جنة عدن
تين و نخل و اعناب
بقالبك خله عسل
و شوية ذبلة تراب

بسواد العين يسمر منته رابي
شعجب قلبك تغير من ترى بيه
انه ما ظن ترابك من ترابي
حضنتك و العسل جلب بدية

من طين مثلي نعم
بس عود جنك طين
ذرات منك بقن
لمهن و سوة العين
عشرة بالمية نده
و يمكن ورد عشرين
و مد روحه نهر الخمر
كملك السبعين

سلالتكم نسب يوسف نسبها
الدنيه بغير نظراتك نسبها
الوادم مية بالمية نسبها
بس نسبة جمالك سبعمية

و سبحانه ما مقتنع
بالميه من مية
حط على روحك وفة
و عل قلب حنية
و انطاك واهس طفل
و خدود جورية
بس عافك بلا بخت
و تورطت بيه

و لولة البيك جي ما بيك لولة
و ملاك من السمه البالمهد لولة
بجمالك ما تجاوز بشر لولا
الخمر و يه العسل طبكن سوية


رجوع


100% 75% 50% 25% 0%


مقالات اخرى لــ  صباح الهلالي


 
 

ابحث في الموقع

Search Help

بحث عن الكتاب


انضموا الى قائمتنا البريدية

الاسم:

البريد الالكتروني:

 


دليل الفنانيين التشكيليين

Powered by IraqiArt.com 


 

 

 
 
 

Copyright © 2007 IraqWriters.com All Rights Reserved.

 

 

Developed by
Ali Zayni