... ارسل الى صديق  ... نسخة للطباعه ...اضف الى المفضله

 

  أدب شعبي

   
أجانه العيد

عادل الربيعي

تاريخ النشر       30/10/2007 06:00 AM


كل عيد اليمر عالناس فرحانه وتعيد بيه

وانه صافن أتحسر***

عيدي شرد اعيد بيه

سكم لو نوح لو ونه****

لو جمرات بين الكلب يجونه

حفنه سنين****

خلصنه العمر ونه بأثر ونه

كل الناس تفرح من يمرها العيد*

بس شعب العراقي بحزنه يتغنه

وكل ليل اليجي لا بد صبح بيه**

بس ليلي طويل وطالت المحنه

بغربه وهيمه بس ترحال**

هم تكضي وارد لعراقي اشوفنه

يمته الدنيه تصفه وياي***

وبشوفة هلي وأحبابي أتهنه

ويطر فجر السلام***يصير صبح جديد

تصفه الناس بيه وندفن الفتنه

ويمد أيده الجنوب يكحلج بغداد

ومن أهل الرمادي نجيب ألج حنه

بأطيافه العراق شكد جميل يصير

أكراد وعرب والشيعه وألسنه

ادعي الله بحبيبه وجاه أبو الحسنين

بحبال الموده يشد اواصرنه

وأعياد التجينه أفراح كله تصير

ننشد للعراق وروضته ألجنه


رجوع


100% 75% 50% 25% 0%


مقالات اخرى لــ  عادل الربيعي


 
 

ابحث في الموقع

Search Help

بحث عن الكتاب


انضموا الى قائمتنا البريدية

الاسم:

البريد الالكتروني:

 


دليل الفنانيين التشكيليين

Powered by IraqiArt.com 


 

 

 
 
 

Copyright © 2007 IraqWriters.com All Rights Reserved.

 

 

Developed by
Ali Zayni