... ارسل الى صديق  ... نسخة للطباعه ...اضف الى المفضله

 

  أدب شعبي

   
اشد اچفوفي

كاظم ال جابر السماوي

تاريخ النشر       21/10/2007 06:00 AM


انعمت عين الغشيم الماعرف بيها

لوصار الزماط وفتل زنده الحوك

من ليل العجاج الهم يلاكيها
...
عجاج وليل واعمه ابلايه عكازه

خيال ومهرتي ابعينهه اجزازه

تيهت الرسن والمهره لكازه

تظل اترافس اشما گربت ليها

..........................
ليهه اشما گربت اتزاغل وتجفل

حددهه الزمان وصارت اتهنجل

اغربل بالنخال ومهرتي اتغربل

بلچن بالنخال الروح الا كيها

...........
الاكيهه ولكلبي الروح اردنهه

معذوره العشك والشوك جننهه

طنطلهه الركبني وايست منهه

وجس الخوف گلبي وگمت اناغيها

...
اناغيها وحسدهه الناس چتاله

يزرك لو خطف جدم المشه اكباله

والصل لو چتل مچتوله چتاله

ويدري الصل يموت وينتحر بيها

..
بيهه ايموت كل صل لوهظم جاسه

وسم گلبه يفور ويصعد الراسه

انعمت عينه الغشيم المادره وداسه

يموت بساعته والرگبه يلويها

..................................
يلويهه ونطكله اذراعه والكوحه

كدر الماعرف والصار مرجوحه

اذب سلي وحسبت الخشني لللوحه

وبشباچي انگلب جريهه خشنيها

....
خشنيهه انگلب جري ورحت خالي

صعد صيهود ذاكه بزودي للچالي

چنت شبوط اگيش الماي بذيالي

هسه اعله النزيزه اطمس واغط بيهه

.......
اغطن ياعلي ماتت دلحجلهه

گمت احفرگبرهه وصرت اغمجلهه

غده مثل اليدور نمنمه ابشلهه

ويظل يفتر مثل سوره اعله جاريها

....
جاريهه الخذاني وعالجرف هدمي

احشم بالنشامه ولا شفت نشمي

اغطن وانبك وكل طينها ابخشمي

واهيس اعيوني نطت من بيا بيها

....
بيابي العين نطت والهوه اشعزه

مخنوك وانام وميت الف فزه

مثل ذاك الغشيم المارضه ابجزه

رضه ابجزه وخروف النوبه تاليها

...................
تاليها وجمرها ايوج ضحچ للريح

ينفخهه وتكمش ماتريد اتطيح


واديها غميج ومن تصيح ايصيح


وينه الكام لينه وهسه و يطفيها

.......................
يطفيها الفزع وبعينه خل ايشوف

بس همس الافاعي العل نياب اسيوف

وحشه وظل ضحچها أمحنط ومچتوف

وگوز النايبات امشرعب اعليها

.......................
اعليها امشرعب وتضحك وهج برماد

تسحگ عالوجع والشوغه كلها اعناد

مو عفت الجرح ينزف بلايه اضماد

هسه اعله الرچيچه اتريد اداويها

........................
اداويها واگوم واحسب الف احساب

اذا عاندت خلهه المانفعهه اعتاب

اخلي الدمعه تركظ والتراب انگاب

والوحشه فرس والظلمه تحديها

.......................................
تحديها واظل متحاوط ابجزره

وعيون الوكيحه ابكل وكت نزره

خزرة موت هاي وشنهي من خزره

لوهزة چتف لوناب يلويها

..............................
لوناب اليطك الها واشد احزام

الحك والسراب شما لحك جدام

يا حال الرخت وتريد توها اتنام

بس ماسلهمت رادم هوى اعليها
...............
الرادم لووگع اتمايزه وردمه

شگله اموسطه الحد ما يذب هدمه

واذا گام الوكيح امشنف ابخشمه


صوج المايدگ رجله ابمحانيها
...............
ابمحانيها وتعرف النفخته ابچذبه

بس طرك الثياب وبيهن اتعبه

اذا بيهم تشك عود اكسر الكصبه

فارغ والبطن نفاش حاويها

............
حاويها اليلم البوه منها اشليل

مثل النهبو اخته وشرد تالي الليل

هلاهل واليزفها اويه الصياح اصهيل

واليركص ابسيفه عيونه عاميها

...................
عاميها الحقد والكشخه والنفخه

اشبخ اعله القوافي وكلهم بشبخه

انه الحري الحمر ماارهم ابصبخه


ابز الماي مگفه اجروف واچريها


رجوع


100% 75% 50% 25% 0%


مقالات اخرى لــ  كاظم ال جابر السماوي


 
 

ابحث في الموقع

Search Help

بحث عن الكتاب


انضموا الى قائمتنا البريدية

الاسم:

البريد الالكتروني:

 


دليل الفنانيين التشكيليين

Powered by IraqiArt.com 


 

 

 
 
 

Copyright © 2007 IraqWriters.com All Rights Reserved.

 

 

Developed by
Ali Zayni